Santu Casanova è a lingua Corsa: atti di a ghjurnata di a lingua Corsa, aostu 1992

Adecec Cervioni, 1993. - 117 p.Un’ tratteraghju micca l’argumentu sanu sanu ch’ellu sottupone u titulu postu à l’urganizazione di sta ghjurnata, chì osinnò mi infuceria in troppu particulari di a storia di a litteratura è di l’idee prima di Santu Casanova. Ma omancu dui accenni i vogliu fà, ùn fissi chè da saldà nant’à una ducumentazione minima u mo discorsu, chì dà esse generale al di là di ciò chì mi era parsu accettevule à principiu. Dunque vogliu ammintà duie o trè cusarelle chì ghjuveranu da testimunianze.